19 January 2019  |   शनिबार, माघ ५, २०७५

टर्की लगिएका ३०० नेपाली कामदार फर्काइए

    | प्रकाशित मितिः बुधबार, पुस ११, २०७५  

काठमाडौं। टर्कीको अन्तर्राष्ट्रिय विमानस्थल बनाउन लगिएका नेपाली कामदार करार अवधि पूरा नहुँदै फर्काइन थालेका छन्। मंगलबारसम्म झण्डै ३०० नेपाली  फर्किसकेको भन्दै  उनीहरूले वैदेशिक रोजगार विभागमा लिखित उजुरी दिएका छन्।

काठमाडौंस्थित युरो नेपाल इन्टरनेसनल इम्लोइमेन्ट सर्भिस ९९० नेपालीलाई दुईवर्षे लिखित करारमा टर्कीस्थित युरो नेपाल लुस्लारान्सी इन्सान क्यानकर्लरी कम्पनीमा पठाएको थियो। कम्पनीले एक वर्ष पुग्न लागेका कामदार फर्काउन लागेको हो। ‘कम्तीमा ३०० कामदार फर्काइसकेको छ।

हामी ३४ जनाको टोली सोमबार राति आइपुगेका हौँ’ उदयपुरका किरण बान्तवाले भने, ‘केही टोली बुधबार राति आउँदैछन्।’ उनी तीन लाख २५ हजार रुपैयाँ तिरेर टर्की उडेका थिए। उनीहरू ५०० अमेरिकी डलर तलब पाउने शर्तमा टर्की गएका थिए। आफूहरूले शर्तअनुसार सेवासुविधा–काम नपाएको, बढी पैसा लिएको, सम्झौताअनुसार नेपाली खाना नपाएको उजुरीमा उल्लेख गरेका छन्। – कान्तिपुर दैनिक

प्रकाशित मितिः बुधबार, पुस ११, २०७५     6:59:18 AM  |

प्रतिक्रया दिनुहोस्