23 March 2019  |   शनिबार, चैत्र ९, २०७५

बिग ब्यास लिगमा सन्दीपले आज तेस्रो खेल खेल्दै

    | प्रकाशित मितिः बिहिबार, पुस १२, २०७५  

काठमाडौं । नेपालका लेग स्पिनर सन्दीप लामिछाने रहेको टिम मेलबर्न स्टार्सले बिग बास लिग क्रिकेटमा आज सिड्नी सिक्सर्सविरुद्ध प्रतिस्पर्धा गर्दैछ ।

सिड्नी क्रिकेट मैदानमा हुने खेलमा मेलबर्न पहिलो जितको खोजिमा हुनेछ । यसअघि खेलेको दुबै खेलमा पराजित भएको मेलबर्नको लागि यो खेल जित्नै पर्ने दबाबमा रहेको छ ।

यता, घरेलु टोली सिड्नी पनि मेलबर्नलाई पराजित गर्ने लक्ष्यमा रहेको छ । यी दुई टिमबीचको खेल नेपाली समयअनुसार दिउँसो दुई बजे सुरु हुनेछ ।बिग ब्यासमा आफ्नो डेब्यु खेलमा नै दमदार उपस्थिति जनाएका सन्दीपले आजको खेलमा कति विकेट लिन्छन् ? उनले दुई खेलमा कुल पाँच विकेट लिई सकेका छन् ।

पहिलो खेलमा सिड्नी थन्डरविरुद्ध सन्दीपले दुई विकेट लिएका थिए । त्यस्तै दोस्रो खेलमा होबार्ट हुरिक्यानेसविरुद्ध तीन विकेट लिएका थिए ।

प्रकाशित मितिः बिहिबार, पुस १२, २०७५     7:10:28 AM  |

प्रतिक्रया दिनुहोस्