19 January 2019  |   शनिबार, माघ ५, २०७५

कपाल मुण्डन गरेर सांसद उषाकला राई आमाको काज-किरियामा

    | प्रकाशित मितिः बिहिबार, पुस २६, २०७५  

काठमाडौं । १ नम्बर प्रदेशसभा सांसद उषाकला राईले कपाल मुण्डन गरेर आफ्नी आमाको काज-किरिया गरेकी छन् । आमाको निधनपछि राईले आफैं किरिया बस्ने निर्णय गरेकी हुन् । उनका दाजुभाई छैनन् । सांसद राईकी आमा लक्ष्मी राईको बुधबार निमोनियाका कारण निधन भएको थियो ।

काज-किरियामा खटिएकी सांसद राईको उनका श्रीमान् पूर्वमन्त्री शेरबहादुर तामाङले प्रसंसा गरेका छन् । फेसबुकमा स्टाटस लेख्दै तामाङले राईलाई महान व्यक्तिको संज्ञा दिएका छन् । उनले लेखेका छन् ‘उषाजी तपाईं साँच्चै महान हुनुहुन्छ ।

छोरीलाई छोरासरह समान अधिकारको लागि निरन्तर लडिरहने तपाईंले पहिलो संविधानसभाको सदस्य भएर मौलिक अधिकार समितिमा बसेर त्यसको लैंगिक उपसमितिको संयोजक भएर सम्पूर्ण नेपाली नारीकोअधिकारलाई लिपिवध्द गर्दै नेपालको संविधानमा महिलाको वंशको अधिकार स्थापित गर्न सफल हुनुभयो ।’

 

 

प्रकाशित मितिः बिहिबार, पुस २६, २०७५     6:13:10 PM  |

प्रतिक्रया दिनुहोस्