डा गोविन्द केसी आजदेखि पुनः आमरण अनशन बस्दै ।

काठमाडौ, १९ असोज ।

चिकित्सा शिक्षा क्षेत्र सुधारको मागगर्दै पटकपटक अनशन बस्दै आएका डा गोविन्द केसीले आजदेखि पुनः आमरण अनशन बस्ने भएका छ्न ।

संसदमा विचाराधीन चिकित्सा शिक्षा विधेयक तोडमोड गरेर  ऐन जारी गर्न लागिएको भन्दै डा  केसीले थालेको १२ औं अनशन हो । यसअघि चाडबाड सुरु भएका कारण दशैंअघि उनले अनसन स्थगित गरेका थिए । डा केसिले आज पुन दिउँसो साढे ४ बजेदेखि अनसन बस्ने जनाएका छन्।

उनले प्रधानमन्त्री शेरबहादुर देउवालाई भेटी यसअघि १७ बुँदे सुझाव समेत बुझाएका थिए । उनले बुझाएको सुझावपत्रमा संसदमा छलफलका क्रममा रहेको विधेयकमा दुर्गमका सामुदायिक विद्यालय पढेका र सीमान्तकृत विद्यार्थीलाई डाक्टरी पढ्न निःशुल्क छात्रवृत्तिको व्यवस्था गर्ने सहितका व्यवस्था राख्नुपर्ने बुँदा रहेका छन्।

विधेयकका महत्वपूर्ण बुँदाहरु सांसदले हटाउँदै माफियामुखी ऐन ल्याउन लागेको भन्दै डा केसीले प्रधानमन्त्रीलाई जनतामुखी र विद्यार्थीमुखी ऐन ल्याउन सुझाब दिएको बताएका छन्। उनले माफियाका लागि राखिएका बुँदा हटाउँदै माथेमा प्रतिवेदनको मर्म अनुसार तीन करोड नेपालीको हितका लागि सुझाव समावेश गरिएको बताएका छन्।

 

प्रतिक्रया दिनुहोस्