26 August 2019  |   सोमवार, भदौ ९, २०७६

सरकारलाई चिकित्सक संघले दियो ७२ घण्टे अल्टिमेटम !

    | प्रकाशित मितिः बिहिबार, माघ १०, २०७५  

काठमाडौं । नेपाल चिकित्सक संघले आमरण अनसनरत डा. गोविन्द केसीको जीवन रक्षाको कदम चाल्न सरकारलाई ७२ घन्टे अल्टिमेटम दिएको छ ।

प्रधानमन्त्री स्वयंले अलग परिस्थितिमा सम्झौता भएको भन्दै संसदमा गैरजिम्मेवारपूर्ण अभिव्यक्ति दिएको र डा. केसीबारे गलत प्रचार भएको भन्दै निन्दा गरेको छ ।

संघले बिहीबार विज्ञप्ति जारी गरी ७२ घन्टाभित्र वार्ता टोली बनाएर डा. केसीको जीवन रक्षाका लागि ठोस कदम चाल्न सरकारसँग माग गरेको छ ।

नभए आइतबार १ बजे उपत्यकाका चिकित्सकहरु शिक्षण अस्पतालमा भेला भएर थप आन्दोलनका कार्यक्रमबारे छलफल गर्ने चिकित्सक संघको निर्णय छ ।

प्रकाशित मितिः बिहिबार, माघ १०, २०७५     6:59:26 PM  |

प्रतिक्रया दिनुहोस्