जन्ती चढेको बसमा ११ हजार भोल्टको करेन्ट,मृत्यु हुनेको संख्या सात पुग्यो

धनुषा। धनुषाको सबैला नगरपालिका वडानम्बर ४ कोठियाबल्टिया भन्ने स्थानमा जन्ती सवार बसमा करेन्ट लाग्दा सात जनाको मृत्यु भएको छ ।

सबैलाबाट बेहुली लिएर सिन्धुलीको दुधौली फर्किँदै गरेको ना ५ ख १७५२ नम्बरको लालिमा डिलक्सको बसमा शुक्रबार साँझ सवा ७ बजेतिर करेन्ट लागेको थियो ।

धनुषाका एसपी गोविन्द थपलीयाका अनुसार दुर्घटनामा अन्य १९ बढी घाइते भएका छन्। घटनास्थलमै ६ जनाको मृत्यु भएको थियो। अर्का एकजनाको उपचारका क्रममा मृत्यु भएको हो।

बस सिन्धुलीको दुधौलीबाट जन्ती बोकेर धनुषा आइरहेको थियो। घटनाको थप विवरण आउन बाँकी छ।

प्रतिक्रया दिनुहोस्