नेपालमा पहिलोपटक जागिरका लागि अब कम्प्युटरबाटै परीक्षा

काठमाडौं। नेपालमा पहिलोपटक जागिरका लागि कम्प्युटरबाट परीक्षा दिने व्यवस्था गष्र्न लागिएको छ। सरकारले हरेक स्थानीय तहका लागि ल्याएको प्रधानमन्त्री रोजगार कार्यक्रमअन्तर्गत  रोजगार संयोजकको छनोटमा यस्तो प्रणलीको प्रयोग गर्न लागिएको हो।

करारमा नियुक्त गर्न लागिएको संयोजकहरूको परीक्षा प्रणलीलाई निष्पक्ष बनाउन सरकारले कम्प्युटरबाटै परीक्षा दिने व्यवस्था मिलाउने लागेको हो। रोजगार संयोजकका लागि दिइने आवेदन पनि पूर्ण रूपमा अनलाइनमार्फत नै भर्ने व्यवस्था मिलाइएको छ। रोजगार संयोककका लागि शुक्रबारसम्म फाराम भर्ने म्याद तोकिएको छ।

आवेदकको शैक्षिक योग्यताको लब्धाङ्क प्रकाशित र अनुभवका आधारमा प्रारम्भिक छनोट गरिनेछ। श्रम, रोजगार तथा सामाजिक सुरक्षा मन्त्रालयले प्रारम्भिक छनोटमा परेकाहरूको अन्त्मि छनोट कम्प्युटरबाटै गर्ने व्यवस्था गर्न लागेको हो।

प्रतिक्रया दिनुहोस्