28 January 2020  |   मङ्लबार, माघ १४, २०७६

दश वर्षे जनयुद्धभन्दा ठुलो मुलुकले धान्न नसक्ने आन्दोलन हुने प्रचण्डको चेतावनी

    | प्रकाशित मितिः शुक्रबार, माघ २५, २०७५  

काठमाडौं । सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ सरकारविरुद्ध खनिएका छन् । सत्तारुढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले शान्तिप्रक्रिया र संविधान कार्यान्वयन नगरे मुलुक ठूलो दुर्घटनामा जाने चेतावनी दिएका छन् ।

वरिष्ठ अधिवक्ता मुक्तिनारायण प्रधानद्वारा लिखित ‘न्यायिक समितिः कार्याविधि र प्रक्रिया’ पुस्तकको लोकार्पण गर्दै उनले शान्ति सम्झौता र संविधान इमान्दारिताका साथ कार्यान्वयन गर्नु सबैको कर्तव्य भएको बताए । उनले संविधानमा व्यवस्था गरेको अधिकार प्रदेश र स्थानीय तहलाई दिन गर्न नचाहेको भन्दै सरकारको आलोचना गरे ।

‘यदि शान्ति सम्झौता र संविधान कार्यान्वयनलाई हल्कारुपमा लिइएको छ भने अब चाँहि देशलाई फेरि गाह्रो पर्न सक्दछ’, उनले भने, ‘यदि हामीले शान्ति सम्झौतामा जे प्रतिज्ञा ग¥यौं । संविधान सभाबाट जे जति अधिकार प्रत्योजित ग¥र्यौँ, त्यसलाई इमान्दारिताका साथ लागू गरिएन भने फेरि एकचोटी हामीले नचाहँदा नचाहँदै द्वन्द्वको स्थित आउन सक्छ ।’

अब हुने द्वन्द्व भयानक हुने भन्दै त्यसलाई मुलुकले धान्न नसक्ने उनले बताए । शान्ति सम्झौताका अन्तरनिहित भएर अगाडि बढेका छौं त भन्ने प्रश्न उठेको बताउँदै उनले भने, ‘हामीले बनाएका नियम कानून शान्ति प्रक्रियाअनुसार परिलक्षित छन् त भन्नेमा आशांका गर्न थालिएको छ ।’

अध्यक्ष दाहालले स्थिती यही रहे जनयुद्ध र जनआन्दोलनको मर्मअनुसार सरकारले काम नगरे दश वर्षे जनयुद्धभन्दा ठुलो आन्दोलन हुने चेतावनी दिए । उनले जनताको घरदैलोमै सरकार पु¥याउने गरी संविधान बनाए पनि त्यो कार्यान्वयन नभएको अनुभूति हुन थालेको धारणा राखे ।

पूर्वप्रधानमन्त्री दाहालले नेपालको लोकतान्त्रिक संविधान प्रणाली कमै देख्न पाइने भन्दै संविधानमा सबै उपेक्षित वर्ग समुदायलाई अधिकार सम्पन्न तुल्याउने जे भनिएको हो त्यही दिशातिर बढाउँदै छौँ त भनेर प्रश्न उठ्न थालेको बताए ।अध्यक्ष दाहालले पुरानै संस्कृति, संरचना, कार्यशैली र भ्रष्टाचारजस्ता रोगलाई संविधानमार्फत निदान गर्ने भनिए पनि त्यसो नभएको बताए । उनले मधेश र पहाडमा विकाराल स्थिति आउन सक्ने भन्दै त्यसलाई हिजोको जस्तै युगान्तकारी परिवर्तनको भावनाअनुसार काम गर्नुपर्ने बताए ।

‘विस्तारै विस्तारै माओवादीलाई सिध्याइहाल्यो भनेर कसैले ठानेको छ भने त्यो दुर्भाग्य हुन्छ, अर्को माओवादी जन्मिन्छ । झन ठूलो लडाइँ हुन्छ ।’ उनले भने, ‘त्यसैले शान्ति सम्झौता र संविधान कार्यान्वयनमा एकजुट भएर मुलुक बनाउने ऐतिहासिक अवसरमा लाग्नुपर्छ ।’

 

प्रकाशित मितिः शुक्रबार, माघ २५, २०७५     8:49:05 PM  |

One Comment

  • gajendrakhanal

    कथित दशबर्षे जनयुद्ध, जनताकाे पक्षमा थिएन र नैपाली द्वारा गरिएकाे युद्दपनि थिएन ।नेपाल र नेलाली लाइ अातङ्कित तुल्याएर अार्थिक सामाजिक र सांस्कृतिक सहित मुलुकलाइ शताब्दियाै संम मुन्टै उठाउन नदिने गुरू याेजनाकासाथ मुलुकमा भिजिलान्ते र दलालहरू खडा गराइएका थिए ।उनिहरूकै माध्मबाट गरिएकाे र गराइएकाे अातङ्ककाे परिणाम स्वरूप देशका कलकारखाना सिद्याइए, भएका सम्रचनाहरू ताेडफाेड रध्वस्त बनाइयाे नेपाली सभ्यताकाे धराेहर समस्कृति ,सद्भाव, सदाचार, सहिष्णुता जस्ता नेपाल र नेपालीका िबशेषताहरू लाइ नामेटनै गरियाे र गरिंदै पनि छ ।जनताका नाहाबालक छाेराछाेरीहरूलाइ लुटेर लगेर कथित युद्दकाे नाममा ढाल बनाइयाे , हजाराै मानिसहरूकाे बिभत्स हत्या गरियाे गराइयाे ।कतिका सिन्दुर पुछिए।कति बृद्धहरूकाअाँखा एैले सम्म अाेभाउन सकेका छैनन, कति लुटिए, कतिलाइ घरवास बिहिन गराइयाे कति टुहुराभए, एसकाे कुनै लेखाजाेखा छ ? उल्टै बँचेखेचचेका बिचरा ति टुहुराहूलाइ बिदेशमा बेचेर उनिहरूकाे अार्जनबाट भित्रिएकाे रेमिटेन्स बाट एेलेपनि लुटेर माेजगरनेहरू का लागि पाप धुरीबाट कुर्लन थालेछ र छटपटिका राेधनहरू छताछुल्ल हुनपाे लागेछकित भनेर म त दङ्ङै पर्न थालेकाे छु ।

प्रतिक्रया दिनुहोस्