25 January 2020  |   शनिबार, माघ ११, २०७६

घुस लिएको आरोप लागेका अख्तियारका आयुक्त पाठकले पदबाट दिए राजीनामा

    | प्रकाशित मितिः शुक्रबार, फाल्गुन ३, २०७५  

काठमाडाैं । ७८ लाख घुस लिएको आरोप लागेका अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिएका छन् । 

शुक्रबार राष्ट्रपति कार्यलयमा गएर ‘राजीनामा बुझाए भन्ने खबर’ आएको अख्तियारका प्रवक्ता रामेश्वर दंगालले बताए ।

पाठकमाथि भक्तपुरस्थित नेपाल इन्जिनियरिङ कलेजको विवाद मिलाइदिने भन्दै ७८ लाख घुस लिएको आरोप लागेको थियो । सत्तारुढ नेकपाले अख्तियार दुरुपयोग अनुसन्धान आयोगका आयुक्त राजनारायण पाठकविरुद्ध महाअभियोग लगाउने तयारी समेत गरेको थियो ।

पाठकले घुस लिएको स्विकारेको भिडियोसहित प्रधानमन्त्री तथा मन्त्रिपरिषद् कार्यालय र आयोगका प्रमुख आयुक्त नवीन घिमिरेसमक्ष उजुरी परेपछि महाअभियोगको तयारी भएको थियो ।

 

प्रकाशित मितिः शुक्रबार, फाल्गुन ३, २०७५     3:12:51 PM  |

प्रतिक्रया दिनुहोस्