हेलिकप्टर दुर्घटना बारे विज्ञहरु भन्छन-जोखिम मोलेर उडान गर्दा दुर्घटना भयो

काठमाडौं ।क्याप्टेन प्रभाकर केसीले खराब मौसम हुँदाहुँदै दबाबपूर्ण जोखिम मोलेर उडान गरेकाले मन्त्री रवीन्द्र अधिकारीसहित सातजना चढेको हेलिकप्टर दुर्घटना भएको अनुमान हवाई क्षेत्रका विज्ञले गरेका छन्। 

‘हवाई दुर्घटना कहिल्यै पनि एउटै कारणबाट हुँदैन, एकपछि अर्को हुने धेरै कमजोरीबाट दुर्घटना हुन्छ,’ नेपाल नागरिक उड्डयन प्राधिकरणका पूर्वमहानिर्देशक त्रिरत्न मानन्धरले बताए ।

‘दुर्घटना हुनुअघि मौसम खराब थियो भन्ने त थाहा भभएकै विषय भयो। त्यसमा पनि पर्यटनमन्त्री, हेलिकप्टर मालिक, उड्डयन प्राधिकरणका पदाधिकारी रहेको उडानमा जोखिम हुँदाहुँदै पनि पाइलटले भन्न नसकेका हुन सक्छन्।

मन्त्री र हेलिकप्टर मालिक हुँदाहुँदै जोखिम लिएर उडेको हुनसक्छ,’ उनले भने। निगमका निकाय, एयरलाइन्सका मालिक र मन्त्री भएकाले सानोतिनो जोखिम टार्न सकिन्छ भनेर लिएको जोखिमले ठूलो दुर्घटना भएको अनुमान मानन्धरको छ।-अन्नपूर्ण पोष्ट

प्रतिक्रया दिनुहोस्