24 January 2020  |   शुक्रबार, माघ १०, २०७६

जङ्गी अड्डामा राष्ट्र निर्माता पृथ्वीनारायण शाहको शालिकमा सेनाको सलामी र पुष्पहार

    | प्रकाशित मितिः आइतवार, पुस २७, २०७६  

काठमाडौ । राष्ट्र पिता श्री ५ बडामहाराजधिराज पृथ्वीनारायण शाहको २९८औँ जन्म जयन्ती तथा राष्ट्रिय एकता दिवसको अवसरमा नेपाली सेनाले सैनिक मुख्यालय जङ्गी अड्डाको मुख्य भवन अगाडि अवस्थित राष्ट्र निर्माता पृथ्वीनारायण शाहको शालिकमा पुष्पहार अर्पण गरेको छ।

कार्यक्रममा प्रधानसेनापति पूर्णचन्द्र थापाले राष्ट्र निर्माताको योगदानको स्मरण गर्दै उनको शालिकमा पुष्पहार अर्पण गरी सम्मान प्रकट गरेका थिए । सो अवसरमा सैनिक एक टुकडीले राष्ट्र निर्माताको सम्मानमा सलामी अर्पण गरेको थियो। कार्यक्रममा सैनिक उच्च अधिकृतले पनि उनीप्रति पुष्पगुच्छा अर्पण गरे। विसं १७७९ पुस २७ गते गोरखामा जन्मिएका पृथ्वीनारायण शाहले स–साना राज्यलाई एकीकरण गरी आधुनिक नेपाल निर्माण गरेका थिए।

तत्कालीन नेपालको अवस्थालाई विश्लेषण गर्दै पृथ्वीनारायण शाहबाट भएको दिव्योपदेश अहिले पनि उत्तिकै सान्दर्भिक रहेको भनी दूरदृष्टि व्यक्तिका रूपमा उनको सर्वत्र प्रशंसा हुँदै आएको छ।

प्रकाशित मितिः आइतवार, पुस २७, २०७६     1:09:16 PM  |

प्रतिक्रया दिनुहोस्