राजसंस्थासहित हिन्दु राष्ट्रको माग गर्दै राप्रपाको विशाल प्रदर्शन (तस्वीरमा)

काठमाडौं । राष्ट्रिय प्रजातन्त्र पार्टी (राप्रपा) ले राजधानी काठमाडौंमा विशाल विरोध प्रदर्शन गरेको छ ।  राप्रपाले राजसंस्थासहित हिन्दु राष्ट्रको माग गर्दै प्रदर्शन गरेको हो ।

भृकुटीमण्डपदेखि रत्नपार्क शान्तिवाटिकासम्म राप्रपाले प्रदर्शन गरेको हाे । प्रदर्शनपश्चात शान्तिवाटिकामा सभा गरेको छ । प्रदर्शनमा राप्रपा अध्यक्षत्रय पशुपति समशेर जबरा, डा. प्रकाशचन्द्र लोहनी, कमल थापा र नेता बुद्धिमान तामाङलगायतले सम्बोधन गर्दै छन् ।

राप्रपाले कोरोना भाइरस (कोभिड–१९) को महामारी नियन्त्रण, महंगी, बेरोजगारी समस्याको समाधान, भ्रष्टाचार नियन्त्रण र तीब्र गतिमा भइरहेको धर्म परिवर्तन रोक्न माग गर्दै प्रदर्शन गरेको हो । राप्रपाले २०४७ साल यताका उच्च पदस्थ व्यक्तिहरुको सम्पत्ति छानबिन गर्न उच्चस्तरीय आयोग बनाउन समेत माग गरेको छ ।

 

 

 

प्रतिक्रया दिनुहोस्