स्याउला लिन जंगल गएकी महिलाको भीरबाट लडेर मृत्यु

कालिकोट । स्याउला लिन जंगल गएकी कालिकोटकी एक महिलाको भीरबाट लडेर मृत्यु भएको छ ।

कालिकोटको नरहरिनाथ गाउँपालिका–३ गोठीमा स्याउला लिन जङ्गल गएकी एक महिलाको भीरबाट लडेर शुक्रबार मृत्यु भएको हो ।

वडा नं ३ गोठीका जन बुढाकी ३६ वर्षीया श्रीमती गोरीकला बुढाको स्याउला लिन जङ्गल गएका बेला भीरबाट मृत्यु भएको हो ।

भीरबाट लडेर खोलाको पानीमा डुबेर मृत्यु भएको उनका जेठाजु वीरेन्द्रबहादुर बुढाले जानकारी दिए ।

बिहान स्याउला लिन जङ्गल गएकी भाइबुहारी फिर्ता नभएपछि भीरबाट लडेर खोलाको पानीमा डुबेको अवस्थामा भेटाएको उनले बताए ।

इलाका प्रहरी कार्यालय कुमालगाउँका अनुसार भीरबाट लडेर उनको घटनास्थलमा नै मृत्यु भएको पुष्टि भएको छ ।

 

 

प्रतिक्रया दिनुहोस्