तराईका जिल्लाहरुमा शीतलहर, जनजिवन कष्टकर

हवाई उडानहरु समेत प्रभावित

दिपेन्द्र लामिछाने हमाल

कोहलपुर। बाँके लगायत तराईका विभिन्न जिल्लाहरुमा आज सोमबार शीतलहर चलिरहेको छ। शीतलहरका कारण दैनिक जनजिवन कष्टकर बनेको छ।

बाँकेको कोहलपुरमा ३ दिन अघिदेखि लगातार हुस्सु र कुहिरो लागिरहेको छ। हिजो आईतबारसम्म दिउँसोको १-२ बजे घाम लाग्ने गरेको भएपनि आज सोमबार भने घामको झुल्को समेत देख्न पाईएको छैन। आकाशबाट वर्षा भएजसरी शीत झरिरहेको छ।

यो समाचार तयार पार्दासम्म बाँकेको कोहलपुरको तापक्रम १८ डिग्री छ तरपनि शीतलहरका कारण सडकहरु झिजेका छन् भने चिसोका कारण दैनिक कामकाज गर्न समस्या भइरहेको स्थानियहरु बताउँछन्।

हुस्सु र कुहिरो लागेका कारण तराईका विभिन्न जिल्लाहरुमा हुने दैनिक हवाई उडानहरु समेत प्रभावित भएका छन्। विराटनगर, जनकपुर, सिमरा, भैरहवा र नेपालगञ्ज लगायतका विमानस्थलहरुमा हुने दैनिक उडानहरु प्रभावित भएको त्रिभुवन अन्तर्राष्ट्रिय विमानस्थलले जनाएको छ।

प्रतिक्रया दिनुहोस्