किसान आन्दोलनले भारत ठप्प,लाखौ प्रहरी तैनाथ

काठमाडौ । भारतमा किसान आन्दोलनले नयाँ रुप लिएको छ । नयाँ कृषि कानुनको विरुद्ध भारतका किसानहरुले आज देशव्यापी चक्काजामको घोषणा गरेका छन् ।

मध्यान्ह १२ बजेदेखि दिउँसो तीन बजेसम्म चक्काजाम गरिने किसानहरुले बताएका छन् । चक्काजामको क्रममा हिंसा भड्किन नदिनका लागि सुरक्षा व्यवस्था कडा बनाइएको छ । संयुक्त किसान मोर्चाका बलबीर सिंह राजेवाल र राकेश टिकैतका अनुसार, आजको चक्काजाम युपी र उत्तराखण्डमा भने हुने छैन ।

दिल्ली एनसिआरमा समेत चक्काजाम नहुने बताइएको छ । यी तीन राज्यबाहेक अन्य सबै राज्यमा किसानहरुले चक्काजाम गर्न लागेका हुन् । युपी र उत्तराखण्डमा किसानहरुले जिल्ला अधिकारीलाई ज्ञापनपत्र बुझाउने बताएका छन् ।

भारतीय कांग्रेस पार्टीले किसान संघको चक्काजामलाई समर्थन गरेको छ । चक्काजाममा इमरजेन्सी तथा अत्यावश्यक सेवा जस्तै एम्बुलेन्स, विद्यालय बस आदिलाई भने अवरोध नगरिने किसान संघल जनाएको छ । यसअघि २६ जनवरीमा भारतमा हिंसात्मक आन्दोलन भएको थियो ।

 

प्रतिक्रया दिनुहोस्