नाङ्गो तस्बिर खिचेको आरोपमा ११ महिला पक्राउ

एजेन्सी । सार्वजनिक स्थानमा न्यूड फोटोशूट गरेको भन्दै दुबई प्रहरीले ११ महिलालाई पक्राउ गरेको छ । शनिबार अनलाइनमा पोस्ट गरिएको भिडियोमा ती महिलाहरु एउटा समूहमा नग्न तस्बिर लिइरहेका देखिएका थिए ।

ती महिलाहरु युक्रेनका नागरिक रहेको जनाइएको छ र उनीहरुलाई हिरासतमा लिइएको वाणिज्य दुतावासले जनाएको छ । युएईमा सार्वजनिक स्थानमा नग्न तस्बिर खिचेबापत ६ महिनासम्म जेल सजाय र १५ हजार दिराम जरिवानाको प्रावधान छ ।

सार्वजनिक स्थानमा तस्विर खिचेबापत पक्राउ परेको यो पहिलो घटना भने होइन । यसअघि पनि प्रहरीले त्यस्तो कार्यमा संलग्न मानिसलाई पक्राउ गरेको छ । यो नियम आन्तरिक पर्यटकको हकमा पनि लागु गरिएको छ ।

प्रतिक्रया दिनुहोस्